Sawi zui hlawh Bradley Cooper leh Irina Shayk

Golden Globe Award chu kan ram sana-a Thawhṭanni zing khan sem a ni a, mipui vantlang hmuha red carpet zawhdun ngai zen zen lo - Bradley Cooper leh Irina Shayk-te pawh an inlan a ni. Anni pahnih hi award ceremony zawh hnu pawha zawizui hlawh an ni a, an chanchin hi media-ten an ngaihven thar zual a ni.  

Russian supermodel Irina Shayk hian a kawppui American actor Bradley Cooper chu Golden Globes  Award-ah hian a ṭawiawm a, mipui mitfukna ber pakhat a ni. Cooper leh Shayk-te hi an inhmeh hle a, an thuam inbel pawh a man a u ṭalh ang tih a rin thiam theih. An thuam inbel mawi tak nena red carpet an zawhdun chu en nawm a tling a, photographer-te pawh an awm mai mai lo. 

An thlalak hi social media velah pawh a darh nasa hle a, an chanchin ngaihventu pawh an tam phah hle a ni. 

Cooper leh Shayk-te hi 2015 aṭang khan an inzui ṭan a, April 2017 khan fanu Lea De Seine Shayk Cooper an nei nghe nghe. Kum 33 mi Irina Shayk hi footballer lar Cristiano Ronaldo nen pawh lo inzui reng tawh an ni a, 'chhai' tur a haichham lo hle a ni.