Ranveer Singh channa Simmba a hit
Hollywood lama Aquaman hralh a kal tluk zetin, Bollywood lamah pawh Ranveer Singh channa Simmba chu a hit rem rem hle. Simmba hi tunlai Hindi film lar leh hralh kal ber a ni mek a, sum pawh a hailut hnem hle a ni.
Bollywood star Ranveer Singh leh Sara Ali Khan-te channa Simmba hi nikum December 28 khan tlangzarh ani a, tun thlenga a sum lakluh tawh zat chu Rs. vbch 190.64 zet a tling tawh a ni. He drama/action film hi India ram hmun hrang hrangah chhuah chhoh mek zel a ni a, tun weekend chung ringawt pawh khan vbch 39.83 zet a lalut a ni.
Shahrukh Khan, Katrina Kaif leh Anushka Sharma-te channa 'Zero' chu India Box Office-a thawm nei lian a ni mek bawk a, sum pawh a hailut hnem hle a ni. He drama/science fiction film hi nikum December 21 khan tlangzarh niin, Shahrukh Khan leh Katrina Kaif-te channa hi tunlai Bollywood film-ah chuan en hlawh ber pawl a ni mek.