BIGBANG in 20th anniversary pual Stadium tour nei dawn

K-Pop khawvel tiropuitu leh 'Kings of K-Pop' tia hriat lar, boy band ropui BIGBANG chuan an debut kum 20-na lawmna atan khawvel hmun hrang hrangah tour an nei dawn tih an puang ta! Thla hmasa lawka Coachella festival-a an inlar hnuah, YG Entertainment chuan June 11 nimin khan an tour hun tur leh hmun tur hi chipchiar zawkin a rawn tarlang a ni.

'BIGBANG 20/26 World Tour'-ah hian member la awmchhun — G-Dragon, Taeyang, leh Daesung te chu stadium lian 18-ah vawi 31 zet an inlan dawn. Kum 2017 hnu lama group anga khawvel hmun hrang hranga tour an neih leh hmasakna ber tur a nih avangin an fan-te tan thil phurawm tak a tling. Tour hi August 21-23, 2026 chhungin South Korea-a Goyang Stadium-ah bul ṭan a ni anga; US, Europe, leh Asia khawpui lian hrang hrang fangin, February 2027-ah Taiwan-ah an khar ang.