'24 Jump Street' siam a ni dawn

American buddy cop action comedy film, '24 Jump Street' siam a ni dawn. Film third installment-ah hian Jonah Hill, Channing Tatum leh Ice Cube-te an chang leh dawn nia sawi a ni. 'Spider-Man: Into the Spider-Verse' director Rodney Rothman chuan a direct dawn bakah, Hill leh Meghan Malloy-te nen script an ziak dawn a ni.

Kum 2012-a tihchhuah '21 Jump Street' leh kum 2014-a tihchhuah, '22 Jump Street' producer Phil Lord leh Chris Miller-te pawh producer an ni leh dawn a, anni bakah Neal H. Moritz chu producer zingah a tel. Tatum leh Reid Carolin-te chuan Free Association kaltlangin an produce dawn a, Hill leh Matt Dines-te chuan Strong Baby banner kaltlangin an produce ang.

'21 Jump Street' ah khan Hill leh Tatum-te chu Schmidt leh Jenko lemah changin, local high school pakhata ruihhlo zawrhna tihtawp an tum dan chungchang a ni. Ice Cube chu Captain Dickson lemah a chang bawk a, film hian khawvel pumah USD mtd 200 a la lut a ni. Film sequel '22 Jump Street' ah pawh Hill leh Tatum-te chang dun lehin, box office-ah USD mtd 331 an la lut thei bawk a ni.