'One Month Mark' ah Jennifer Lawrence

American actress leh producer, Oscar pawh lo dawng tawh Jennifer Lawrence leh Apple Original Films thawkdun chuan romantic comedy 'One Month Mark' tih an siam dawn. Film script hi writer, director leh performer Sophie Fleur de Bruijn ziah a ni.

Producer zingah Apple Studios, Chernin Entertainment-a David Ready, Brady Fujikawa leh Peter Chernin-te an tel. Lawrence hi film-a a chan dawn bakah a producing partner, Justine Ciarrocchi nen Excellent Cadaver kaltlangin an produce dawn a, De Bruijn chu executive producer a ni ang. Project hi Lawrence-i'n Apple Original Film a thawhpui vawi lina niin,Leonardo DiCaprio nena an chan dunna 'What Happens at Night'chu tun hnai khan filming zawhfel a ni bawk.