Bolero leh Sumo el tur Trak Gama tlangzarh

Force Motors Business Manager Rajarshi Mukherji chuan nimin khan Millennium Centre, Aizawlah an car thar Trak Gama a tlangzarh a, Mizorama car hriat hlawh tak pahnih Mahindra Bolero leh Tata Sumo el pha tura siam a ni tih a sawi.

Mizorama Force Motors dealer LBS Motors-in Bawngkawnah showroom leh service station nei mah se mi tam zawkin an hmelhriat theih nan Aizawl hmun lailiah Gama hi an pho chhuak a ni. Ex-showroom prize- air conditioner (AC) awm Rs 12,74,000, AC awm lo Rs 11,73,000 a ni a, Mizorama lei hmasa ber Lai Christian Fellowship hnenah chabi hlanin an hralh chhuak nghal.

Rajarshi chuan India ramah Force Motors-in bus leh car a siam nuai 10 chuang a tlan mek a, German automobile company hlun pahnih Mercedes leh BMW-in India rama car an hralh chhuahah Force engine an hmang vek tih a sawi.An car thar Gama chu mi 10 ṭhut theih tura duan ni mah se a aia tam chuan theihna tura ruahman lawk a nih vangin chhungkaw tana ṭangkai tur leh mipui phurtu sumdawnna lirthei atan hman theih a ni, a ti.

Gama leitute tan warranty kum nga pek a nih bakah kawng laka chhiat thulha inpuihna, roadside assistant kum thum chhung a thlawnin a pe bawk.

TRAK GAMA

Engine : 2.6L (2596 cc), 3-cylinder/4-cylinder diesel engine, 60–67 HP @ 3200 rpm leh 158–175 Nm of torque.

Gear : 5-speed manual transmission;a len zawng - 1660–1790 mm; a san zawng - 1980–2055 mm; khan san zawng - 191–210 mm

Brake : a hma lam disc, a hnung drum; brake pui turin Anti-lock Braking System (ABS) leh Electronic Brake-force Distribution (EBD) a chhawm.