'Jailer 2' ah Hrithik Roshan

Indian Tamil-language action comedy film, Rajinikanth channa 'Jailer 2' ah Indian actor leh producer Hrithik Roshan a inlan dawn. Hemi hma lawk hian Indian actor leh film producer, Shah Rukh Khan chu special appearance nei tura tih a ni a, mahse a schedule nen a inmil loh avangin a inhnukdawk nia sawi a ni. Khan hi a film channa 'King' lamah insawrbingin, he film hi a fanu Suhana Khan silver screen-a a inlan hmasakna ber tur a ni bawk.

'Jailer 2' ah hian Hrithik chuan June 22 leh 23 hian Chennai-ah shooting a nei dawn a ni. Kum 1986 khan Hrithik hi 'Bhagwaan Dada' film-ah Rajinikanth nen hian an lo chang dun tawh bawk a, he film-ah hian Hrithik chu Rajinikanth-a fapa hrin ni lo a enkawl (foster son) lemah a chang a ni. 'Jailer 2' hi Nelson Dilipkumar chuan a direct bakah Sun Pictures hnuaiah a produce a, film-a inlan tur zingah hian Mohanlal, Shiva Rajkumar, Vijay Sethupathi leh Mithun Chakraborty-te pawh an tel.