Mizo Song Composers Society-in seminar buatsaih

Mizo Song Composers Society chuan June 13, Inrinni khan Directorate of Sports and Youth Services Conference Hall, MINECO-ah seminar an buatsaih a, Intellectual property rights leh, AI chungchanga harsatna an tawhte an sawi ho. Seminar-ah hian Mizo zinga hla phuah thiam ṭhahnem tak an kal khawm a ni.

Seminar-a resource person, Amira Laltleipuii Hmar LLM(IPR) chuan Intellectual Property Rights chungchang inzirtirna pein, tunlaiah mi hla phuah, a phuahtute phalna loa social media, a bikin YouTube-a upload ṭhin chu dan bawhchhiatna leh a titute hremna pek theih dan zirtirna a pe bawk. Resource person-in hun a hman zawh hnuah hlaphuah thiamte nen an hla copyright chungchanga harsatna an tawh hrang hrang zawhna leh chhanna hun siam a ni a, MSCS-te chuan programme hi hlawk thlak an ti hle.