Emma-a'n hla thar hmangin fan-te surprise dawn em ni?

Mizo Idol Emmanuel Lalremruata chuan a social media account kaltlangin Inrinni liam ta khan music video shoot lai ni awm tak post siamin, hla thar a nei dawn hnai tih a rawn tarlang. Social media-ah hian caption " Beiseina in, “Ni nga hnua ni hmasa bera piang te tan Present a in rial mek e. 'Ngaihtuah chhunzawm atan" tihin eng emaw awm tur ni awm takin hriat chakawm takin post a siam a ni.

Hla thar awm tur chungchangah Vanglaini zawhna Emma hian chhangin,"November thlaah a hla hi a piang tawh a, program a thathnem avang leh studio lam hman hun leh ka hman hun te a in an ṭhin loh avang tein rei tak leh uluk taka kan buaipui hnuah kan peih thei dawn ta niin a lang." tiin a chhang.

He hla hi "Kan hringnunah hnathawhna leh thil chi hrang hrangah harsatna kan tawk a, chutiang paltlang chuan tun dinhmun ṭheuh min hruai thleng a. Pathianin kan nunah zirlaibu atan khang harsatnate kha min buatsaih ni berin ka hria. Mi tute mai pawh hian keimahni tun dinhmun min hruai thlengtu chu Lalpa chauh a ni tih i hre thar ang u." tiin he hla lo pian dan chu a phuahtu Runrema'n a sawi.