Google-in AI hmanga inbumna hluar titawp turin court-ah thlen

Khawvel technology lama hmahruaitu Google chuan China rama inbun, Artificial Intelligence (AI) thiamna hmanga mi tam tak bumtu cybercrime pawl lakah thubuai a theh lut tih an puang. He pawl hian Google-a an AI thar 'Gemini AI' chu Dik lo taka hmangin, mi eng emaw zat bum nan an hmang tih hriat a ni.

Heng cyber-crook-te hian AI hmang hian mimal text message maktaduai chuang leh website lem sang tam tak an siam chawp a ni. Cyber-crook-te hian package atangin emaw, chhiah chawi ngai ang te'n mi harsa leh hriatna tlem zawk maktaduai chuang zet an lo bum kual tawh a ni. Google chuan he pawl hian US-ah ringawt pawh credit card maktaduai tel an rûksak tawh nia sawiin, hetiang thil hi a thlen nawn tawh loh nan hma an lak thu an sawi.

Thubuaiah hian 'Outsider Enterprise' tiin an sawi a, an thil hmuhchhuah thar AI technology chu rawlrala chetna leh hleihluak taka hman a nih avangin Google thuneitu Halimah DeLaine Prado chuan thubuai hi an puitlin ngei an beisei thu a sawi bawk. Ṭhalaite pawh kan technology hman ṭhinah hian kan fimkhur a ngai hle a, dawt leh a tak thliar hran thiam a pawimawh hle a ni.