China Box Office No.1 ah 'The Furious'

China Box office chart tharah Edko Films kutchhuak, action thriller 'The Furious' chu No. 1 ah awmin, karhmasa chhung khan RMB mtd 76.1 (USD mtd 11.2) a la lut tih Artisan Gateway chuan a tarlang. Film hi kumin June 11 khan tlangzarh a ni a, sum a lak luh tawh zawng zawng chu USD mtd 13.9 a tling. Action veteran Kenji Tanigaki chu director niin producer chu Bill Kong a ni.

Pahnihnaah chart hmasaa pakhatna, Jinant Film & TV family drama 'Dear You' awmin, USD mtd 8.9 a lak luh belh leh a, kumin April 30-a tihchhuah a nih aṭanga sum a lak luh tawh zawng zawng hi USD mtd 255.7 a ni. Universal kutchhuak, Steven Spielberg film 'Disclosure Day' chu pathumnaah awmin, tihchhuah a nih aṭanga a ni thumnaah USD mtd 2.9 a la lut a ni. Palinaah Zhonghe Qiancheng resilient crime thriller, 'Vanishing Point' awmin, karhmasa khan USD mtd 1.8 a lak luh belh a, sum a lak luh tawh zawng zawng chu USD mtd 80 a ni. Studiocanal kutchhuak World War II drama, 'Pressure' chuan USD 500,000 la lutin Top. 5-ah a lang bawk.