Strictly Come Dancing-ah Delta Goodrem inlan dawn

British dance contest show, Strictly Come Dancing series tharah Australian singer-songwriter leh actress, Delta Goodrem chu celebrity zinga a pathumna atan a inlan dawn. Goodrem hian Glitterball trophy dawng tura inelnaah EastEnders actress Lacey Turner leh reality star Dani Dyer-te nen an inlan dawn a ni.

Hemi chungchanga thuchhuah a siamah, Goodrem chuan khawvel puma a show chawilarna tura TV, theatre leh film set-ahte a lo perform ṭhin thu leh, Strictly Come Dancing chu a inlan vawikhatna tur a nih avangin a phur tawh thu a sawi. Goodrem hi Australian soap opera hit, Neighbors aṭanga mite hriat a hlawh ṭan a, tunhnaiah an ram aiawhin Eurovision Song Contest 2026 edition-ah a tel a ni.

Kumin Strictly Come Dancing series 24-na hi September thlaah neih ṭan a ni dawn a, Lacey Turner chu contestant-a tel tur zinga puan hmasak ber a ni. Turner chuan he show hi a ngainat thu leh lam intihsiaknaa tel chu a phur tawh thu a sawi bawk. BBC One Soap-a Stacey Slater lem a chan aṭanga mi hriat hlawh niin, British Soap Award leh National Television Award a lo dawng tawh a, TV drama eng emaw zatah chang tawhin chung zingah chuan 'Our Girl' pawh a tel.