Cash Money leh No Limit Records-in Arena Tour nei dawn

New Orleans icon, hip-hop chanchina sulhnu nei ṭha, Cash Money Records leh No Limit Records chuan kumin hian Arena tour an nei dawn a, special guest atan Master P, Birdman, Juvenile, Silkk The Shocker, Mannie Fresh, B.G, Mia X, Choppa Style, Mac, Mercedes, Fiend leh Mr. Serv-On bakah Boosie-te chu ruat an ni.

Arena tour hi ram 17-ah neih tur a ni a, September 11 hian Houston-a Toyota Center-ah khuh hawn a ni ang. Tour an neihna hmun tur dangte chu New Orleans, Atlanta, Raleigh, Detroit, Indianapolis, Birmingham, Dallas, Washington, D.C., Columbia, St. Louis, Memphis, Sunrise, Tampa, Chicago, Cincinnati leh Cleveland-te an ni. Tour neih tur chungchangah hian Master P. chuan an fan-ten hunrei an nghah tawh thu a sawi.

Cash Money-ah hian Birdman, Juvenile, Mannie Fresh leh B.G. te an awm a, No Limit-ah hian Master P, Silkk The Shocker, Mia X, Mac, Fiend, Choppa Style leh Mr. Serv-On-te awmin, Boosie chu special guest a ni.