Visiting Oxford professor atan Cate Blanchett

Hollywood actress, Oscar award vawi hnih lo dawng tawh Cate Blanchett chu Oxford University-a visiting professor atan ruat niin, St Catherine College-a zirlaite hnenah academic year 2026/27 chhungin contemporary theatre a zirtir dawn a ni.

Visiting professor hi kum 1990 khan kalpui ṭan a ni a, Sir Ian McKellen, Dame Myra Syal leh Dame Diana Rigg-te chu visiting professor an lo ni tawh a ni. Blanchett hian 'The Aviator' a Katherine Hepburn lem a chan hmangin Oscar a lo dawng tawh a, American filmmaker leh actor Woody Allen-a film 'Blue Jasmine' hmangin a dawng leh bawk.

Kum 57 mi Blanchett hi kum 1998-a tihchhuah, 'Elizabeth' film-a Queen Elizabeth I lem a chan hmangin hming a chher ṭan a, 'Lord of the Rings', 'Ocean's 8', 'Carol' 'Notes on a Scandal' leh 'Tar' chu film a chan tawh zinga a lar zualpui an ni. Hei bakah West End leh Broadway state-ah a inlan bawk a ni.