Tom Holland-a'n Zendaya nen an inneih thu a tichiang ta!

Hollywood star Spider-Man lem changtu, Tom Holland chuan a bialnu Zendaya nen an inneih tawh thu fan tam zawkte hriat theih turin a puangzar ta! Thla hnih thum kal ta aṭang khan an innei tawh nia sawi thawm a nasa hle a; mahse, an pahnih hian engmah an la sawi duh lo a ni.

Tun hnaia Esquire magazine-in interview an neihnaah, Tom Holland-a chu internet-a an inneih thlalak (AI-generated) darh chungchang leh a chhungten dawt a ni tih an hria em tih an zawt a ni. Tom chuan, "Hrilh hranpa an ngai lo, a chhan chu an vaiin an rawn tel vek alawm," tiin fiamthu deuh si, thutak deuh chungin a chhang tih a hriat theih.

He 'Spider-Man' star hian an inneihna chungchang erawh sawi belh a tum tawh loh thu a sawi a, "Kha chiah kha in hriat tur chu a ni mai," a ti zui hmak. Hemite pahnih hi kum 2016 khan 'Spider-Man: Homecoming' film siamna aṭangin inhmelriat ṭan an lo ni tawh a, tunah chuan nupa tak tak an lo ni ta a ni.