Summer Anime 2026 chhuak tur line up Crunchyroll-in puang

Anime streaming platform lar, Crunchyroll chuan kumin nipui chhunga anime thar chhuak tur 'Summer 2026 Anime Lineup' a puangzar a, heng zingah hian Black Torch leh Jaadugar: A Witch in Mongolia te bakah, nghahhlelh hlawh tak Mushoku Tensei Season 3, Re:ZERO Season 4, leh That Time I Got Reincarnated as a Slime Season 4 te pawh a tel a ni.

Summer anime 2026 a chhuak thar turte hian khawvel hmun hrang hranga anime ngainatu ṭhalaite a tiphur tawh hle a, a bik takin English dub nghakhleltute tan Crunchyroll a chhuakturte hi hmaih phal chi a ni lo ang. Daemons of the Shadow Realm leh One Piece pawh series chhunzawmna a chhuak dawn bawk.

Crunchyroll chuan Taiwan leh South Korea-ah anime streaming service huang an zauh dawn bawk a, president Rahul Purini chuan he thu hi Bali-a APOS media conference-ah puangin, Taiwan-ah hian tun nipui aṭanga kalpui ṭan a ni dawn a, kumin kumtawp lamah South Korea-ah kalpui a ni bawk ang.Purini chuan Asia chu Crunchyroll-in a ngai pawimawh tih sawiin, khawvela anime lama tui tak tak awmna hmun a ni, a ti. Company chuan he hmalakna hi hun rei tak aṭanga kalpui a tum tawh a nih thu leh, fan-te tan anime en theihna hun ṭha siamsak tum a nih thu a sawi.