'Dreaming Hospital School'-ah Stray Kids inlan

South Korean boy band Stray Kids member-te chu an rama naupang leh ṭhalai, damdawi-ina hun rei tak inenkawl tawhte tana programme buatsaih, 'Dreaming Hospital School' ah special teacher angin an inlan. An agency JYP Entertainment chuan member-te hi one-day teacher niin, zirna leh a kaihhnawih hrang hrang he programme-a tel naupangte an zirtir.

"Dreaming Hospital School Ṭ Stray Kids" tih hi nimin June 18, an ram huna chawhnu dar 2 khan JYP Entertainment official YouTube channel-ah tihchhuah a ni. Band member Bang Chan chuan English class a pe a, Lee Know chuan arts-and-crafts session a neihpui bakah, I.N chuan letter writing class a pe bawk. He programme hmang hian zirlaite leh band member-te chuan hun hlimawm leh hriatreng tlak an hmang ho a ni.