Emma MV 'Lawmthu ka hrilh che' a chhuak ta

Mizo Idol 2025 Emmanuel Lalremruata chuan hun rei tak aṭanga lo inmung tawh tiaa social media account hrang hranga a lo post, a music video thar 'Lawmthu ka hrilh che' tih chu nizan dar 7:30 khan a tlangzarh ta rup mai. He hla hi Idol zinkawng a zawh aṭanga hlawhtlinna a channaa Pathian hnena lawmthu sawina niin, thla ruk chhung lo inmung tawh kha a takin fan-te tan chhawp chhuah a ni ta.

Tarlan tawh angin he hla hi Runrema phuah niin, Emma hian a rawn sa mawi leh hle. He hla thar aṭang hian Emma hi cross-platform huanga artist ṭha a nihna kan hmu nawn leh a ni. He hla hi Gospel lam hawi niin, hemi hma hian Lengzem hla mawi tak mai a lo tichhuak tawh bawk a nih kha, Mizo Idol Emma duai lohzia kan hmu nawn leh a ni.