India theatre-ah 'Doraemon the Movie: New Nobita and the Castle of the Undersea Devil'

TV Asahi leh PVR Inox Pictures chuan, 'Doraemon the Movie: New Nobita and the Castle of the Undersea Devil' chu kumin October 2 hian India ramah a vawi khatna atan theatre hrang hrangah an tlangzarh dawn. Film hi Fujiko F. Fujio original manga behchhana siam a ni a; Hindi, Tamil, leh Telugu ṭawng hmanga tihchhuah a ni ang.

TV Asahi-a International Business Department-a animation sales and development head, Maiko Sumida chuan kum 20 hnua India-a 'Doraemon' an tichhuak thei ta chu lawmawm a tih thu leh, ram chhung hmun hrang hranga naupang 'Doraemon' ngainatuten hun hlimawm tak an hman phah ngei a beisei thu a sawi. 'Doraemon' hi India-ah hian kum eng emaw zat chhung en a lo hlawh tawh a, he theatrical adventure thar tihchhuah a ni tur chu an phur tawh thu a sawi bawk.