Iron Maiden-in show neihna turah phone hman khap

English heavy metal band, Iron Maiden chuan zanina Paris-a La Défense Arena-a show an neih turah, standing area-ah phone hman an khap dawn. Arena-a an chetla lai hi 'Run For Your Lives Tour' concert film an tihchhuah tur atana thla an lak dawn vang a ni.

Kar liam ta khan hemi chungchang hi social media-ah an puang a ni. Concert chhimtute tana phone dah lutna tur, kalh tlat theih bag, Yondr pouch hman dan tur kaihhruaina pawh an tarlang bawk. Tunlaiin phone hman phal lohna live music show-ah Yondr pouch hi an hman lar ber a ni. Iron Maiden hian an 'Run For Your Lives Tour' chhung hian concert-a phone hman loh hi an thlawp tawh a; kum 2025-a tour an ṭan hma pawh khan an fan-te chu 'in phone-te dah ṭha rawh u' tiin an lo hrilh tawh ṭhin. He tour hi Billboard chuan Top Rock Tours 2025 chart-ah No 3-ah dahin, ticket mtd 1.5 an hralh a, USD mtd 150.9 vel sum an la lut pha.