August-ah 'Toxic: A Fairytale for Grown-Ups' tlangzarh dawn

Indian period gangster film, 'Toxic: A Fairytale for Grown-Ups' chu kumin August 26 hian khawvel puma theatre-ah tlangzarh a ni dawn. He film production hi Indian cinema-a hmalakna lian ber pawl niin, Kannada leh English-a siam a ni a, English version bakah Indian ṭawng paruk hman a ni bawk.

He film hi director Geethu Mohandas leh Indian star leh producer, Yash-te thawh dunna hmasa ber a ni a, KVN Productions leh Yash-a Monster Mind Creations-te siam a ni. A changtute zingah Nayanthara, Kiara Advani, Huma Qureshi, Rukmini Vasanth leh tara Sutaria-te an tel. Film hi June 4-a tihchhuah hun tura ruahman a lo ni tawh a ni.

Film tlangzarh ni Nilaini hi Varamahalakshmi, Onam, Eid leh Raksha Bandhan-te nen in nih rualin, hemi ni hian local leh international market-ah hralh chhuah a pung dawn nia sawi a ni. Holiday-a film tlangzarh a nih hian hmun hrang hrangah film entu an tam zual ṭhin.