SEVENTEEN new unit V8-in 'singasong' challenge tichhuak

South Korean boy band SEVENTEEN sub-unit thar, band member The8 leh Vernon-te awmna V8 chuan an hla thar tur 'singasong' dance challenge an tichhuak.

June 19 khan SEVENTEEN official Instagram account-ah V8 chuan he short video clip hi tichhuakin, an mini-album hmasa ber tura audio leh performance pholanna hun an nei a ni. Video hi second 30 chauh ni mah se, fan-te beisei a tisang nghal hle. He hla 'singasong' ah hian V8 chuan German producer leh DJ Mechatok an thawhpui a, The8 leh Vernon-te thawh dunna bakah, European electronic music scene-a mi ngaihven hlawh chho mek Mechatok an thawhpuina chu ngaihthlak a chakawm tawh hle a ni.

Group activity leh mimal project hrang hrang hmanga hriat hlawh, The8 leh Vernon-te hian album hi an produce dawn a, ramchhung leh ram pawna subculture producer lar tak tak; Pharrell Williams, KIRARA leh Dylan Brady-te an thawhpui bawk a ni.