Katrina thlaktu tur Shraddha Kapoor

Indian dancer lar Remo D'Souza film siam leh turah Shraddha Kapoor chuan Katrina Kaif a thlak dawn a, a hmunruak a luah zo a ngem tih chu zawhna awm mek a ni. 

Remo D'Souza film thar tur hi 'Street Dancer' a ni dawn a, tun thla tawp lam aṭang hian shooting an ṭan dawn a ni. Katrina thlaktu tur  Shraddha Kapoor (32) hian sulhu ṭha tak tak a lo hnutchhiah tawh a, a thlak tur erawh Katrina Kaif a nih miau avangin en bik a hlawh lo thei dawn lo a ni. Katrina hi a tirah chuan a changtu tur zinga hming langsar ber a ni a, mahse Salman Khan nen an chandunna Bharat film-ah insawrbing a duh niin an sawi. Bharat film hi kum June thla hian tlangzarh tura ruahman a ni. 

Street Dancer film-ah hian Indian actor Varun Dhawan chu a changtupa ber tur a ni dawn a, Shraddha nen pawh hian film an lo chang dun tawh a ni. Remo, Varun leh Shraddha-te hian 2015 khan ABCD 2 an tichhuak a, a hlawhtling thawkhat viau a nih kha. 

Tun ṭuma an thawhho lehna tur Street Dancer hi tlangzarh hun tur hriat a la ni lo.