Class 11 & 12-te tan School Connect buatsaih dawn

Edu Fest leh Edu Op­tions-te pawh lo huai­hawt ṭhin tawhtu Lynchpin-Zalen chuan a vawi khat nan class 11 & 12 zirlaite tan January 9 & 10 hian Vanapa Hall-ah School Connect an huaihawt dawn. Tun hi Mizorama a vawi khatna tur a ni dawn a, School Education Minister Lal­chhandama Ralte chuan a hawng dawn a ni. 

Ni hnih chhung awh tur School Connect hi chawhma dar 11:00 aṭanga tlai dar 4:00 thleng neih ṭhin tur a ni dawn a, nikhatah session li zel a awm dawn a ni. Session hrang hrangah hian zirlaite’n college an rah hun atana thil ṭangkai turte inhrilhhriat a ni dawn a, Science, Arts leh Commerce-a hna leh eizawnna awm theih dante inhrilhfiahna atan hman a ni bawk ang. 

He hunah hian zirlaite subject thlan leh an personality a inmil em tih scientific method hmanga bukna, Careermatch Test pawh Australian University aṭangin chhawp chhuah a ni bawk ang.