Bieber a tlai avangin an chawi hnem dawn

Zirtawpni kalta khan New York-a Madison Square Garden-ah Z100 Jingle Ball neih a ni hetah hian Justin Bieber a zai. Justin Bieber hi stage-a a lan hun tur aia a tlai avangin he gig buatsaihtute hian USD mtd 1 an chawi a ngaih phah.

Madison Square Garden-ah hian dan a awm a, zan lai dar 12 pelh thlengin event a buatsaih theih loh a, dar 12 a pelh tawh chuan, second khat pawh nise pawisa chawi ṭeuh a ni mai. Justin Bieber hi dar 11:30 aṭanga 12:00 chiah chiah thlenga perform tur a ni. A hmun hrim hrim hi chu a thleng hma a, zan dar 10:30-ah a thleng tawh. A dressing room-ah a awm rei hle a, dar 11:30 a rik dawn pawhin a la insiam peih lo.

Tichuan tlai deuhah, dar 11:45-ah Justin Bieber chu a rawn chhuak a, dar 12:00 chiah chiaha zai zawh a la duh lo a, darkar chanve tho a perform a, 12:15 thleng a zai. Hei vang hian he event buatsaihtute hian USD mtd 1 an chawi a ngaih phah a, chu mai bakah mipui tam tak chuan an hawna tur train an man loh phah bawk.