OH MY GIRL-in comeback hun sawn hla

South Korean girl group, OH MY GIRL chuan nimin June 22 khan an agency WM Entertainment social media kaltlangin group anga an chet chhuahna tur leh concert chungchang mumal taka thuchhuah an siam loh avangin thupha an chawi a, hemi rual hian an member-te chuan thawh hona ṭha tak neiin rimawi lamah an kir leh thuai dawn tih an tarlang.

OH MY GIRL hian full-group comeback chu kumin kum laihawlah neih an tum tih an lo puang tawh a, mahse ruahmanna an siam chu tihdanglam leh niin, nakkum kumtir lamah sawn a ni tih an puang. Hemi hun chhung hian an agency chuan member-te hian solo album an buatsaih dawn tih an puang bawk. OH MY GIRL hi kum 2015 khan an debut a, an hla hit tak tak zingah 'Secret Garden', 'Nonstop' leh 'Dun Dun Dance' te an tel.