Ranveer Singh-a'n 'Dhurandhar' hmangin Rs vbc 325 la lut

Indian actor Ranveer Singh chuan Indian cinema-ah hlawhtlinna ropui tak neiin, spy thriller Aditya Dhar-a direct 'Dhurandhar' a a chan hmangin Rs vbc 325 a hlawh chhuak. Shah Rukh Khan, Rajinikanth, Allu Arjun leh Thalapathy Vijay leh mi dang tam tak sum lak luh a khum ta a ni.

'Dhurandhar' franchise hi box office-ah a che ṭha hle a, hemi avang hian Indian actor zinga sum la lut hnem ber niin, franchise hlawhtlinna chuan he dinhmun hi a thlen tir nia ngaih a ni. Film hmasa zawk, nikuma tihchhuah kha Indian film zinga sum la lut hnem ber niin record tam tak a siam bawk. Report chuan 'Dhurandhar' hmang hian Ranveer chuan Rs vbc 325 la lutin, Shah Rukh Khan chuan "Pathaan' hmangin Rs vbc 200 a la lut a, Thalapathy Vijay chuan 'Jana Nayagan' hmangin Rs vbc 250 a la lut bawk.

Sequel 'Dhurandhar: The Revenge', kumin March thlaa tihchhuah khan box office-ah record tam tak a siam a, ni rei lote chhungin Rs vbc 1,000 a la lut a, khawvel pumah Rs vbc 1,800 a la lut bawk. Film hi tlangzarh ni hian ram chhung leh ram pawn box office-ah a che ṭha hle a, Indian cinema-a franchise hlawhtling ber zinga mi a ni.