'Ballerina' (Leap!) sequel siam dawn

3D animated musical adventure comedy film, kum 2016-a tihchhuah 'Ballerina' (Leap!) sequel siam a ni dawn. Film sequel 'Ballerina 2' hi Good Hero studio produce tur niin, 'Ballerina' universe chu media platform hrang hrang; film, television leh YouTube-a huang zauhna tur a ni bawk.

Film hi Good Hero head Gregory Ouanhon leh Laurent Zeitoun bakah, film screenplay ziaktu leh director Laurent Zeitoun-ten an produce dawn a ni. Production hi tun thlaa neih ṭan tur a ni bawk. Gaumont chuan France leh khawvel puma pek chhuah a buaipui dawn a, kum 2029 kum tawp lama tlangzarh tura ruahman a ni. English-in Elle Fanning leh Dane DeHaan-te chuan an aw an thawh a, France ṭawngin Camille Cottin leh Malik Bentalha-te chuan an aw an thawh bawk. 'Ballerina' original khan khawvel puma ram 100 chuang aṭangin USD mtd 120 a la lut a ni.