Jungkook chenna in tlawhtu Brazilian hmeichhia man

South Korean boy band BTS member, Jungkook chenna in vawi eng emaw zat tlawhtu leh residential property chhunga lut ṭhin Brazilian hmeichhe pakhat chu lung in tang tura hrem a ni. Seoul Western District Court judge Park Ji-won chuan he Brazilian hmeichhia hi Korea-a anti-stalking law and trespassing a bawhchhiat avangin kum hnih lung in tang turin a hrem.

Court chuan nikum December 7 leh 28 inkar khan, he Brazilian hmeichhia hian Seoul-a Yongsan District-a Jungkook chenna in leh a chhehvel vawi 22 a tlawh tih a tarlang. Investigator-te chuan nikum December 13 khan residential property-ah hian a lut tih an sawi bawk. He thil avanga man a niha chhuah a nih leh hnuah pawh Jungkook chenna in hi a tlawh chhunzawm zel a ni. Police-te chuan emergency order tichhuakin, Jungkook chenna in aṭanga metre 100 aia hnaiah a kal an khap a, mahse, kumin January 4 khan a tlawh leh tho a ni.