India Google-ah Salman Khan a lar

Google India chuan kumin chhunga Google kaltlanga miin an search nasat ber a tichhuak a, Salman Khan-a film Sultan chu movie zinga an zawn nasat ber a ni.

Salman Khan hi Bollywood chhungah hian a inlan rei tawhin, actor ṭhangthar zawk tam tak awm tawh mah se an la tluk thei lo a ni ber; a movie, Sultan pawh hian Bollywood box office-ah chuan sum a lalut hnem hle a nih kha. Sultan hi Top Trending Movies a ni. Google-a miin an zawn nasat ber dawttu chu South Indian actor, pathian biaka an biak loh chauh, Rajnikanth-a channa, Kabali kha a ni.

Mihring anga India mipuiin an zawn nasat ber chu Disha Patani a ni. He actress, model chhe lo tak ni bawk zunah India mipui hi an uai a ni ber mai. Kum 2013 khan Femina Miss India-ah pawh runner-up a lo ni tawh. Zawn nasat pahnihna chu Miss Diva 2015-a an thlan, actress hlawhtling mek Urvashi Rautala.

Bollywood actor zingah chuan Sushant Singh Rajput chu zawn nasat ber a ni a, pahnihnaah Kabir Bedi niin, pathumna chu Harshvardhan Kapoor a ni. Hmeichhe lamah thung chu Disha Patani, Urvashi Rautela, Pooja Hegde te an ni.