The Voice-ah pakhatna ni lo mah se Billboard-ah pakhatna

The Voice Season 11-a mi, Christian Cuevas kha pakhatna a ni pha lo a, amaherawhchu kha kha hlawhtlinna tawp ni loin bul ṭanna chauh a ni. Christian Cuevas hian The Voice-a pakhatna a luah zo lo a, Billboard Christian chart-ah erawh tuma tluk rual a ni lo thung.

Alicia Keys team-a mi ṭhin, semifinal-a tla ta Cuevas sak ëTo worship you I live (away)í chu Billboard Hot Christian Songs Chart-ah pakhatna a luah. Cuevas-a hla sak hi Israel & New Breed hla a ni a, ani aiin Cuevas hian a thlen sanpui a, a original zawk hian pakhatna a luah pha lo a, a awmna album pawh Top Christian Albums-ah pathumna a ni.

The Voice-a mite hi Christian chart lamah chuan an hlawhtling viau. Tun ṭuma pakhatna, Sundance Head-a hla ëMe and Jesusí chu Hot Christian Songs chart-ah pakhatna a ni tawh. Kumin January thla khan Jordan Smith hla chu pakhatna a lo ni tawh bawk.