Rockstar Game- in 'GTA 6' man tur puang chiang ta

26th June, 2026

Khawvêla game nghahhlelh ber pawl, Rockstar Games siam 'Grand Theft Auto VI' (GTA 6) chuan gamer khawvel a sawi nghing leh ngei dawn e. Nimin khan 'GTA VI' man leh pre-order chungchang thu thar an tichhuak.

GTA 6 hi kumin November 19 hian PlayStation 5 leh Xbox Series XṭS-ah chhuak tura ruahman niin, a hmasain 'Single-Player' story-ah Jason leh Lucia-te zinkawng lian tak tarlan a ni dawn. Tunah hian edition hrang hrang lakah a man pawh bituk fel a ni tawh bawk.

Standard Edition hi Rs 5,999 vel a ni dawn a, Ultimate Edition erawh Rs 7,499 vel man a ni thung ang. November 20 hmaa pre-order hmasa apiangte chuan 'Vintage Vice City Pack' an dawng tel thei dawn bawk a ni.