Phoebe Bridgers album thar August-ah

American singer-songwriter Phoebe Bridgers chuan kumin August 14 hian independent record label, Dead Oceans kaltlangin a full-length solo album, 'Lost Weekend' a tichhuak dawn. He thu hi New York-a Madison Square Garden-a phone-free show a neihnaah puangin, kumin favangah tour a nei dawn tih a sawi bawk.

A album cover tur pawh pholang nghalin thu kimchang dang erawh a puan belh lo. Album-ah hian Taylor Swift leh Lana Del Rey-te collaborator Jack Antonoff leh, singer-guitarist Alex G-te a thawhpui nia sawi a ni. Bridgers hian kum 2020 khan 'Punisher' album tichhuakin, kum 2023 khan Julien Baker leh Lucy Dacus-te nen 'Boygenius' album an tichhuak leh bawk. Kum 2024 Grammy Awards-ah award pali dawngin, 'Boygenius' album hmangin award pathum leh, SZA nen an thawh dunna, 'Ghost in the Machine' hmangin pakhat a dawng bawk a ni.