Musk-a'n sawisel hlawh 'Citizen Vigilante' X-ah post

Tech khawvela platform lian, X neitu Elon Musk chuan tun hnaia actor sawisel hlawh tak mai Armie Hammer-a film channa thar ‘Citizen Vigilante’ chungchang chu a social media platform-ah a thlawp thu a tarlang a, hei hian sawizui pawh a hlawh hle. Musk hian 'Citizen Vigilante' hi X ah a thlawna en theih turin a post zui a, mahse a post link hi darkar 48 hnuah luh zui theih lohin a awm.

German filmmaker Uwe Boll-a siam, ‘Citizen Vigilante’ hi June 19, 2026 khan US-ah tlangzarh a ni a, he film-ah hian Hammer-a chu misual leh dan bawhchhiatna laka ama thua hma latu "vigilante" Sanders-a angin a chang a ni. He film hi tualchhunga tualthahna leh raltlante vanga pawngsualna leh pawikhawihna thlengte titawp tura mahni thua beihna lamhawia siam a nih avangin sawisel a hlawh hle a, Germany-ah phei chuan khap zui a ni nghe nghe.

Elon Musk-a’n Apple TV chart-ah Citizen Vigilante hi No 2 movie a nih thu a post hnuah, director Uwe Boll chuan kum 2027-ah a part 2-na siam leh a tum thu a sawi ve nghal bawk. Musk chuan, "Citizen Vigilante 2 chu a kalhmang a la ṭha leh zual ang," tiin a lo tuihnih a ni. He film hi Hammer-a tan pawh nungchang mawi lo leh thubuai hrang hrang a neih hnua a film thar hmasa ber a ni.