Taylor Swift in mo kawr hrang hrang ha dawn!

Pop icon Taylor Swift leh NFL star Travis Kelce-te inneih tur thuthang chuan khawvel ngaihven a hlawh mek a, a bik takin TS mo kawr tur hian mi mit a la zual hle dawn. Tarlan danin, an inneih niah TS hian mo kawr pakhat mai duh tawk loin, mimal ta tura ṭhui bik 'custom dresses' eng emaw zat a ha kual dawn a ni.

He an inneih ruai pui, New York-a Madison Square Garden-a neih tura rin hi, ni hnih chhung awh tur a nih avangin, Eras Tour-a a inthuam kual ṭhin ang bawka inthuamna tam tak thlak a tum hmel hle. Monse brand designer hming thang Laura Kim leh Fernando Garcia te chu a kawr design-tu tura rin hlawh ber an ni a, anni pahnih hian a hma pawhin Taylor-i inthuamna eng emaw zat an lo design tawh.

Report ṭhenkhat chuan Taylor-i mo kawr pui ber tur hi kum 1950-a Hollywood actress lar Elizabeth Taylor-i’n Conrad Hilton-a a neiha a kawr hak 'inspired' tur niin an sawi. Hetiang a nih avang hian vintage style, hmanlai deuh hlek leh lace detailing mawi tak mai a nih a rinawm viau. Report dangah chuan designer lar Sarah Burton pawh a hming a ri tel. An inneihna tur senso hi USD mtd 20 vel a tlin theih thu an sawi bawk.