Oliver Tree hriatrengna program 'Livestream' dawn

Social media platform hrang hranga a hla hman lar ṭhin tak, June 14-a helicopter chesual vanga boral, zaithiam leh 'creative genius' tia hriat lar Oliver Tree hriatrengna program 'Memorial Service' chu fan-te tan a thlawn a thlir theih turin livestream a ni dawn.

He program hi July 25-ah University of California, Santa Cruz campus chhunga outdoor venue lian tak, 'UCSC Quarry Amphitheater'-ah hman a ni dawn tih Billboard chuan a tarlang. A chhungte leh a ṭhiante bakah amah ngainatu fan tam tak an pungkhawm dawn a ni.

Tree thihna hian khawvel a ṭhawng hle a, a hla 'Ugly Is Beautiful' album phei chu chart-ah a rawn lang thar leh hial. A chhungte chuan he program hi khawvel hmun hrang hranga amah ngainatute tan livestream tur hian ruahmanna an siam a; eng platform-ah nge tih leh a hun chiah chu puanchhuah thuai a ni ang.