Noah Kahan-a'n road sign ru bo tawh lo turin a fan-te ngen

American singer/songwriter, Noah Kahan chuan a fan-te hnenah a hla pakhatah a sawi lan tel, Vermont khuaa Alger Brook Road sign chu ruk bo a ni fo tih sawiin, he road sign hi ru tawh lo turin a fan-te a ngen.

Khan hian 2022 album, 'Stick Season' a final track, 'The View Between Villages' tih hlaah a lo chen tawhna, Alger Brook Road hi a sawi lang tel a, hei vang hian he kawngpui pawh hi a lar phah hle a ni. Hemi hnu hian road sign tar chu rukbo a ni ta fo a ni. Kahan chuan a social media-ah road sign ruk bo a ni fo chu he kawngpui dung leh a khuaa chengte zah lohna lian tak a ni tiin, ti tawh lo turin a ngen. Road sign rukbo tur venna kawngah puih a inhuam thu a sawi a, road sign thlakna tur pawh pek a inhuam thu sawiin, khaw hotute chu a nu lo bepawp turin a ngen. Kahan hian North american tour a nei mek a ni.