ENHYPEN-in 'BLOOD SAGA' world tour pawtsei

South Korean boy band ENHYPEN chuan, South Korea-a 'BLOOD SAGA' world tour an neih mek chu Busan-ah ni hnih an pawtsei. An group hian he thu hi nimin June 29 khan weverse-ah an puang. Busan concert hi Sajik Indoor Gymnasium-ah August 8 leh 8 hian an buatsaih dawn a ni.

'BLOOD SAGA' world tour hi ram 22 ah an nei dawn a, vawi 35 an perform dawn a ni. He tour hi kumin May thla khan Seoul-a KSPO DOME-ah khuh hawn a ni. ENHYPEN hi Brazil-a São Paulo-ah July 4 hian Allianz Parque-ah an perform dawn a, seat 41,000 ticket an hralh zo der tawh. October thla hian Macau-ah neih chhunzawm a ni dawn a, hei pawh ticket an sold out tawh bawk. December aṭanga nakkum February thla thleng Japan-ah 4-dome tour an nei dawn a, Europe-ah pawh an perform dawn bawk. ENHYPEN hian nimin June 29 khan Japanese digital single, 'We'll Be Fine' an tichhuak bawk.