James Blake album thar a hnai

A zai ngainatute tan chuan chanchin lawmawm tak a ni ngei ang le. English singer James Blake chuan kum 2016 hnua a hmasa ber atan tun thla chhung hian album a tichhuak dawn niin an tarlang. 

Kum 30 mi James Blake hian 2016 khan 'The Colour in Anything' album a tichhuak a, a reh zui deuh vang vang. Nikum khan Jay Rock, Kendrick Lamar leh Future-te nen thawkhoin 'King's Dead' an tichhuak a, 2019 a herchhuah rualin album thar a rawn chhawpchhuak leh dawn ta a ni. 

A album title tur hi 'Assume Form' a ni a, tun thla tawp lam hian a tihchhuah hman beisei a ni. Hemi chungchang hi tun hnai khan a sawi chhuak a, social media lamah pawh a tarlang bawk. 

James Blake hian a album tharah hian American rapper André 3000 leh Travis Scott-te a thawhpui niin an sawi a, hei erawh a sawi chiang duh rih lo thung.