Coachella ticket hralh a kal

April thlaa neih tur Coa-chella Valley Music And Arts Festival chuan boruak a nei lian zui zel a, ticket an zawrhchhuah chu darkar ruk chhung lekin hralh zawh vek a ni. 

Coachella festival hian kar hnih chhung a awh dawn a, kar hmasa zawk ticket hi minute 40 chhung lekin a zo nghal vek a ni! Ticket hi online-a hralh chhuah niin, darkar reilote chhungin an inchuh zo vek. 

Kum 2017 leh 2018 khan darkar thum lek chhungin an lo hralh zo tawh bawk a, mipuiin an hlut rem rem hle a ni. Music festival ṭhangduang leh ngaihhlut hlawh tak Coachella Valley Music and Arts Festival hi Empire Polo Field, California-ah April 12-21 inkarah neih a ni ang. 

He festivalah hian zai-thiam lar tak tak an inlan leh dawn a, American singer Ariana Grande chuan festival hi a khuhawngdawn a ni.