Kristian film chhuak thar tur ṭhenkhat

Superhero ngainatuten - Captain Marvel, Avengers: Endgame, X-Men: Dark Phoenix leh Spider-Man: Far From Home-te an nghakchhuak dawn a, Kristian film ngainatute pawh an hawihil dawn bik lo. 

Nikum khan Kristian film - I Can Only Imagine, Paul, Apostle of Christ leh a dang eng emaw zat a chhuak a,  kuminah pawh - The Least of These, Heavenly Deposit, Run the Race leh The Islands-te a chhuak dawn a, en chakawm tak tak vek an ni hlawm. 

February 1-ah tichhuah a ni dawn a, kumina Kristian film chhuak hmasa pawl a ni dawn. He film hi Australian missionary Graham Staines-a chanchin behchhuanna siam niin, a taka a thil tawn hrang hrangte tarlanna a ni. 

Graham Staines hi kum 1999 khan India-ah thah a ni a, a fapa Philip (10) leh Timothy (6)-te pawh thah sak an ni bawk. He film-ah hian India rama rawngbawlna a kalpui dan leh, a nunna hial a chan phahna chu hmuh tur a awm dawn a ni. 

Kristian movie star - John Savage, Bonnie Hellman, Meredith Thomas leh Alisha Seaton-te channa hi February thla veka chhuak tur anni dawn a, en chakawm tawh berte zinga mi a ni. Rick Irvin kutchhuak filmah hian - Ella Joyce, Peter Jason, Alisa Reyes leh Barry Van Dyke-te pawh an inlan dawn a, true story behchhana siam a ni bawk. 

He film hi kumina Kristian movie chhuak tur zingah chuan ngaihven hlawh berte zinga mi a ni a, Chris Dowling kutchhuak a ni dawn. Kristian ṭha tak a nih avanga mi tam takin an ngaihsan, American football star Tim Tebow chanchin pawh tarlan a ni dawn a, hei hian ngaihven a hlawh phah hle a ni. Tim Tebow hi co-producer a ni nghal bawk. 

Run the Race-ah hian Evan Hofer, Kelsey Reinhardt leh Kristoffer Polaha-te channa hi February 22-ah US-ah release a ni ang. 

Hei pawh hi a taka thil thleng behchhana siam niin, Hawaiian Queen Chiefess Kapiolani chanchin tarlanna a ni. Kum 1821 chho vela Hawaiian Island-a Kristianna a din chhoh dan hrang hrang tarlan a ni a, a ngaihnawmin a hmuhnawm hle tura ngaih a ni. 

Shooting pawh hi Hawaii leh a chhehvelah hian neih niin, March 22-ah mipui en theih tura chawpchhuah a ni ang. 

Bible behchhana siam a ni a, Pathian leh setana inhmachhawn dan ṭhenkhat tarlan a ni. Shayan Ardalan chu Pathian lema chang tur a ni a, sual nen an inhmachawn hi hmuh chakawm tawh tak a ni. XL: The Temptation of Christ hi March 6-ah tlangzarh tura ruahman a ni.