Messi autograph chuanna jersey leh merchandise hrang hrang zuar

Khawvela footballer ropui zinga pakhat, Lionel Messi hming chuanna jersey leh a merchandise hrang hrang chu Fanatics e-commerce lamah lei theiha chhawp chhuah a ni, hralh tla ber pakhat a tling chho mek. Variety tarlan danin, tun hnaiah Messi hian mimal thil 'merchandise' hrang hrang leh a autograph chuannate ngei chu tlangzarhin, online lamah man tlawm zawk leh a to ber thlenga lei tur a chhawp chhuak a ni.

Messi hming sign-na zinga lar zual chu kum 2022-a Qatar-a World Cup a champion pui hriatrengna Argentina jersey niin, hehi tun dinhmunah chuan a hlu ber pawl a tling. Inter Miami jersey, a club khelh mekna leh Barcelona hun laia mi thlengin collectible card hrang hrang nen lei mai theihin an dah chhuak bawk.

Thawmhnaw piah lamah hian, heng thil zawrh te hi a 'authentic' ngei a ni tih hriatna 'Certificate of Authenticity' pek tel vek an ni. Mizo ṭhalaite leh football ngainatute tan pawh online kaltlanga mahni puala kawl ve tlak khawpa thil hlu an tling hlawm a ni.