Laisuih Mizo hla in phuah siak

Art & Culture Department leh Mizo Song Composers Society ṭangkawpin 'Laisuih Mizo Hla in phuah siak' tih an buatsaih dawn.

Intihsiakna hi stage hniha kalpui a ni dawn a, Mizo literature lam thiam bikten a hla thu an endik hmasa dawn a, hemi hnuah music technical lam thiam te hmaaah zan thum chhung in elna nei leh a ni ang. In elna hi live telecast-a pek chhuah a ni ang. College hrang hranga zaithiam ten an hla hmangin zan thum in elna an nei dawn a, Mizo musician ṭha ber berten an rem sak dawn a ni. Top 10-te chu Blue Wave Records, Chanmari West in a free-in studio recording a tihsak ang.

He intihsiaknaa tel turte tan August thla chhungin an hla phuah hi audio emaw video emaw in theh luh theih a ni ang. Lawmman hi pakhatna - Rs 60,000, pahnihna Rs 30,000 leh pathumna Rs 20,000 niin, mi pasarih hnenah consolation prize Rs 2000 pek a ni dawn bawk.