‘The Apothecary Diaries’ in Billboard Japan Book Hot 100 thunun

Japan rama lehkhabu leh manga hralh hlawh thlanna ‘Billboard Japan Book Hot 100’ chart tharah manga lar tak, The Apothecary Diaries (Kusuriya no Hitorigoto) Volume 22 chuan No. 1 dinhmun a luah thar leh ta. He manga hian tualchhungah chauh lo, khawvel hmun hrang hranga ṭhalaite ngainat a hlawh chho hle a ni.

Hyuuganatsu ziah leh Minoji Kurata leh Touko Shino-te lemziah, he manga hian chart tharah sports manga lar tak Blue Lock (Vol. 39) leh light novel hmingthang 'That Time I Got Reincarnated as a Slime' te khumin, e-book hralhna lamah phei chuan hma a hruai chiang hle. Digital leh physical copy hralhnaa a chet ṭhat em avang hian an ram publishing industry-ah pawh thil thar a thlen hial.

Chart-ah hian pahnihnaah "Blue Lock Vol. 39" awmin, pathumnaah "That Time I Got Reincarnated as a Slime Vol. 32 (Comic Edition)" a lang . Tsukimichi: Moonlit Fantasy) Vol. 17 chu palina niin, "777 Triple Seven" chuan Top 5 ah a lang bawk a ni.