Sony-in 2028 aṭangin PlaysStation DISC siam titawp dawn

Ṭhalai gaming lawmte tana chanchin lawmawm vak lo a awm tlat mai. Sony Interactive Entertainment chuan January 2028 aṭangin PlayStation console-a khelh tur game thar reng reng chu physical disc (CD) tel miah loin, digital chauha tihchhuah a nih tawh tur thu an puang.

He hmalakna hi ṭhalai ten internet aṭanga game download an uar tak em vanga thlak danglam a ni a, tun hnaiah game hralh zawng zawng aṭanga 85% chu digital download a ni vek tawh hial a ni.

Ruahmanna thar hi kalpui a nih hnuah pawh game lo chhuak tawh hrim hrim erawh disc pawhin a la hman chhunzawm theih dawn thung . January 2028 hnu lama game thar chhuak tur erawh chu PlayStation Store aṭang chauha download theih a ni tawh ang. Gamer tam tak chuan gaming khawvel inher danglam mek hi lungngai takin an thlir ṭhup tawh a rinawm.