Fortnite game-ah Olivia Rodrigo Icon series-ah tel ve

Khawvel huapa zaithiam lar, Grammy Award vawi thum lai lo dawng tawh Olivia Rodrigo chuan gaming khawvel a luhchilh ve leh ta. Epic Games chuan an game siam lar tak 'Fortnite' Icon Series crossover thar berah he pop star hi an telh thar ve leh a ni. He thawh hona thar hmang hian tun hnaia a hla thar leh a hla hriat hlawh tawh tak takte chu playground tharah an hmang.

Hmalakna tharah hian Olivia chauh lo pawh celebrity crossover hmuh tur a awm nual a ni. Fortnite Item Shop-ah a duh apiang tan a character cheina outfits chi hnih, Rodrigo hla 'SOUR' leh 'Lover Girl' a thawmhnaw hakte thlan tur a awm a, a album hmasa leh a thar bera a inchei dante a tarlang a ni. Heng outfit-te hi game khelh laia danglam thei 'reactive style' an ni a, LEGO version pawh a awm tel nghal bawk.

Olivia Rodrigo chuan he thil chungchang hi sawiin, Fortnite hian mite a pawtkhawm thiam hle tih a sawi a, a rimawi leh incheina hrang hrangte gaming khawvela hmuh tur a awm ta mai chu a phurawm a tih thu a sawi. He bundle hi Fortnite Item Shop-ah V-Bucks hmanga lei theiha chhawpchhuah a ni.