Taylor Swift leh Travis Kelce ten charity tan USD mtd 26 pe

Inkutsuih mai tura an inbuatsaih mek karah, Taylor Swift leh Travis Kelce te chuan tun kar chhungin mi dangte tana luang chhuak lehin, US-a charity 20 hnenah USD mtd 26 an pe. Ṭanpuina sum an pek thu hi Swift publicist leh Kelce Brothers in an puang a ni.

Ṭanpuina an pek charity hrang hrangte hi Kelce leh Swift-ten mimal taka inzawmna an neihna hmun amite an ni. Charity 20 zingah hian food bank paku, ran humhalhtu, educational programme leh children hospital pathum an tel.

Hetih lai hian kum 36 mi ve ve, superstar pahnihte hi vawiinah Madison Square Garden-ah an innei dawn nia sawi a ni a, pui tham taka buatsaih a ni dawn a, an inneihhna hmun tur cheina atan pawh USD mtd 15-20 vel an seng niin an tarlang. Hetih lai hian report ṭhenkhat chuan an chhung hnaivai takte chauh telin, a rukin an innei fel tawh a, a lawmna an buatsaih ringawt dawn nia sawite an awm ve bawk. Swift leh Kelce hi kum 2023 aṭang khan an inkawp ṭan a, nikum khan an inhual a ni.