‘Moana 3’ siam a ni leh dawn

Disney chuan animated musical adventure ‘Moana 3’ installment thar ber siam a ni dawn tih an puang. He animated film-a demigod lem changtu ,Dwayne Johnson chuan kumin July 10-a theatre-a tlangzarh tur live-action ‘Moana’ promote pahin a sawi a ni.

Johnson chuan he thu hi Brazil-a Rio-de Janeiro-a ‘Moana’ press conference an neihnaah sawiin, ‘Moana 3’ chu Jared Bush leh Dana Ledoux Miller-ten an ziak dawn tih a sawi bawk. Original ‘Moana’ khan kum 2016 khan global box office-ah USD mtd 680 la lutin, Disney+ ah a hlawhtling hle a, film stream nasat ber pawlah a tel pha. ‘Moana 2’ Disney+ a tihchhuah a nih hnuah, kum 2024 khan USD mtd 225 la lutin, sequel hian khawvel pumah USD tld 1,059 a la lut tling thei bawk.