Apple-in iPad Pro leh MacBook Pro thar nakkumah tlangzarh dawn

Apple chuan chanchin thar ngaihnawm tak an product ngainatute tan a rawn chhawp chhuak leh ta. Bloomberg in a tarlan danin, Apple hian kan hma lawkah hian product thar tlangzarh turin iPad Pro leh MacBook Pro thar siam an tum mek a, nakkum 2027 tir lamah chuan an rawn chhawp chhuak hman ngei tura beisei a ni.

An thil tihchhuah thar turah hian iPad Pro thar bakah, an hralh tam ber ber pawl 14-inch MacBook Pro ‘entry-level’ pawh a hmel thar hlak turin an buaipui mek nia hriat a ni bawk. Hemi rual hian an khawl thluak thar M7 chip pawh an rawn hman nghal mai rin a ni bawk.

iPad Pro thar tur bikah erawh a pawnlam landan thlak vak an tum lo a, 11-inch leh 13-inch bawk kha hmang chhunzawmin, a chhunga khawl hman erawh tun aia chak leh rinthlak zawk, AI lama hma hruai thei tura thuam thar an tum thung a ni.