Aamir Khan leh Gauri Spratt te innei

Bollywood superstar, Amir Khan leh wellness professional, Gauri Spratt te chu nimin khan Mumbai-a Amir Khan chenna inah an innei. An inneihnaah an chhung hnaivaite leh ṭhian ṭha zualte chauh an ni.

Amir Khan hi kum 60 a tling tawh a, Gauri hi a nupui pathumna a ni, Gauri tan a pasal pahnihna a ni ve bawk. Amir Khan hi an a nupui hmasa ber Reena Dutta nen fa pahnih neiin,k a nupui pahniha Kiran Rao nen kum 15 inneiin fa pakhat an nei a, kum 2021 khan a inṭhen a ni. Gauri hian a pasal hmasa nen fapa pakhat an nei ve bawk a ni. An pahnih hian kum 25 liam ta daih tawh khan an lo inhre tawh a ni. Inhre satliah chauh an ni a; mahse an nupui/pasal an ṭhen lehhnuah, an chhungte kaltlangin kum 2023 kum laihawl vel khan an inbe pawp leh a, an inngaizawng chho ta a ni. Thla 18 vel an in date hnuah, kum 2025 khan a inkawp thu hi an puangzar a ni, kumin June thla khan Amir Khan chuan July 5-ah an innei dawn tih a lo puang tawh bawk.